२८ जेठ, मोरङ । राष्ट्रिय जनता पार्टी (राजपा) नेपालका नेता राजेन्द्र महतोले माग पूरा नहुँदासम्म निर्वाचनमा सहभागी नहुने बताएका छन । मोरङको विराटनगरमा आयोजित पत्रकार सम्मेलनमा नेता महतोले माग पूरा नहुँदासम्म निर्वाचनमा सहभागी हुने कुनै सम्भावना नरहेको बताए । उनले सरकारले चुनावको मिति केही दिन पछि सारेर भए पनि मधेसी दललाई चुनावमा आउने वातावरण बनाउनु पर्ने बताए । महतोले संविधान संशोधनको माग सम्बोधन नगरी निर्वाचनमा गए मुलुक दुर्घटनामा पर्ने चेतावनी समेत दिए । महतोले अघिल्लोपटक देउवा प्रधानमन्त्री भएका बेला जनताको तर्फबट पेश भएका मागलाई रद्दीको टोकरीमा हाल्दा मुलुक द्वन्द्वमा फसेको स्मरण गराउँदै त्यसबाट पाठ सिकेर देउवाले मधेस समस्या समाधान गर्नुपर्ने बताए । उनले मधेस आन्दोलका क्रममा लगाइएका मुद्दा फिर्ता, जनसंख्याको आधारमा गाउँपालिका, नगरपालिका संख्या थप राजपाको बटमलाइन भएको बताए ।
प्रकाशित मिति: शनिबार, जेठ २७, २०७४
-1732776560.jpg)
