२५ जेठ, काठमाडौँ । म्यानमारको सैनिक बिमान दुर्घटनाग्रस्त अवस्थामा भेटिएको छ । चालक दलका सदस्यसहित १२० जना सवार विमान समुद्रमा दुर्घटनाग्रस्त अवस्थामा फेला परेको हो । म्यानमारको मुख्य सैनिक हवाई अड्डाका अनुसार बुधबार सम्पर्कविहीन भएको विमानको केही टुक्रा अन्दामन समुद्रमा भेटिएको बिबिसीले जनाएको छ । जल सैनिकले समुद्रमा खसेको विमानको भग्नावशेष खोजिरहेको खबरमा उल्लेख छ । विमानमा १४ जना चालक दलका सदस्य र १ सय ६ जना सैनिकका आफन्त तथा परिवार सवार थिए । खराब मौसमका कारण विमान दुर्घटना भएको प्रारम्भिक अनुमान गरिएको छ ।
प्रकाशित मिति: बुधबार, जेठ २४, २०७४
-1732776560.jpg)
