२४ जेठ, काठमाडौँ । इरानको संसद भवनभित्र बन्दुकधारीले शृंखलाबद्ध आक्रमण गरेका छन् । बन्दुकधारीले राजधानी तेहरानस्थित संसद भवनभित्र र सर्वोच्च नेता आयतोल्लाह खोमेनीको समाधीस्थलमा आक्रमण गरेका हुन । आक्रमणको क्रममा १२ जनाको मृत्यु भएको र ३९ जना घाइते भएको अन्तर्राष्ट्रिय सञ्चारमाध्यमहरुले जनाएका छन । दुईजना आक्रमणकारीलाई सुरक्षाकर्मीले पक्राउ गरेका छन् । समाधीस्थलमा आक्रमण गर्ने आत्मघाती आक्रमणकारी सुरक्षा कारबाहीमा मारिएका छन् । इस्लामिक अतिवादी समूह ‘आइएस’ले आक्रमणको जिम्मेवारी लिएको छ । आइएसले इरानमा गरेको यो पहिलो आक्रमण हो ।
प्रकाशित मिति: मंगलबार, जेठ २३, २०७४
-1732776560.jpg)
