२३ जेठ, काठमाडौं । प्रधानमन्त्री तथा नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले भरतपुरमा माओवादी कार्यकर्ताले मतपत्र च्याते पनि माओवादीको लोकतन्त्रप्रतिको निष्ठ नच्यातिएको बताएका छन । संसद बैठकमा विशेष समय लिएर सम्बोधन गर्दै प्रचण्डले चितवनको भरतपुरमा मतपत्र च्यातिएको घटना गलत भएको बताए । उनले मतपत्र च्यातिएको घटनालाई जोडेर माओवादीको लोकतन्त्रप्रतिको निष्ठामा प्रश्न उठाइनु गलत भएको बताए । उनले आफूले मतपत्र च्यातियो भन्ने सुनेपछि नै प्रमुख निर्वाचन आयुक्तलाई बोलाएर जे ठीक लाग्छ त्यहि गर्नुस् भनेर आग्रह गरेको भन्दै मतपत्र च्यात्नेलाई सही भन्न नसकिने बताए । उनले मतपत्र च्यात्न पार्टीले निर्देशन नदिएको र निर्वाचन आयोगलाई पनि पुनः मतदान गर्न दबाव नदिएको प्रचण्डले प्रष्ट पारे । अध्यक्ष प्रचण्डले आफूले कांग्रेस सभापति शेरबहादुर देउवाको दबावमा राजीनामा नदिएको स्पष्ट पारेका छन ।
प्रकाशित मिति: सोमबार, जेठ २२, २०७४
-1732776560.jpg)
