२३ जेठ, काठमाडौँ । कतारका विमान साउदी अरब र इजिप्टको आकाशमा उड्न नपाउने भएका छन । साउदी अरब र इजिप्टले कतारका विमान आफ्नो हवाई क्षेत्रमा उड्न प्रतिबन्ध लगाएका छन् । साउदी अरबको सिलिभ एभिएशन प्रशासनले कतारका विमानलाई आफ्नो हवाई अड्डामा अवतरण गर्न र आफ्नो वायुक्षेत्रमा प्रवेश गर्न रोक लगाएको हो । बहराइनको गल्फ एयर, इत्तेहाद एयरवेज र इमिरेट्ससहित प्रभावित देशका कयौं एयरलाइन्स कम्पनीले भनेका छन् कि मंगलबार विहानबाट कतारको राजधानी दोहाबाट आउनेजाने सबै उडान रद्द गरिएको छ । नेशनल एयरलाइन्स र कतार एयरबेजले पनि साउदी अरबको उडान रद्द गरेको छ । उडानमा लगाइएको यो रोकले एयरलाइन्स कम्पनीहरु ठूलो समस्यामा पर्न सक्ने अनुमान गरिएको छ । साउदी अरब, यूएई, इजिप्ट र बहराइनले कतारका लागि स्थल, हवाई र समुन्द्री बाटो बन्द गरेका छन् । कतारले भने इस्लामिक स्टेट वा कुनै चरमपन्थीलाई सहयोग गरेको आरोप अस्वीकार गरेको छ ।
प्रकाशित मिति: सोमबार, जेठ २२, २०७४
-1732776560.jpg)
