२२ जेठ, काठमाडौँ । युनाइटेड अरब एमिरेट्स (युएई) को एयरलाइन्स कम्पनी इतिहादले काठमाडौंबाट दोहा जाने सबै उडानहरु बन्द गरेको छ । इतिहादले साउदी अरब नेतृत्वमा चार मुस्लिम मुलुकहरुले कतारलाई एक्लाउँदै कुटनीतिक सम्बन्ध विच्छेदको निर्णय गरेपछि उडन बन्द गरेको हो । एयरलाइन्सले एक विज्ञप्ति जारी गर्दै सोमबार साँझदेखि अर्को सूचना जारी नभएसम्मका लागि उडान बन्द गर्ने जनाएको छ । टिकट बुक गरिसकेका ग्राहकहरुका लागि इतिहादले वैकल्पिक व्यवस्था गर्ने अथवा टिकट फिर्ताको सुविधा दिने जनाएको छ । इतिहादले काठमाडौंबाट दोहाका लागि दैनिक दुई उडान भर्दै आएको थियो । खाडी संकटसँगै एयरलाइन्स कम्पनीहरुले दोहा उडान रद्द गर्दा वैदेशिक रोजगारीमा जाने नेपालीलाई प्रत्यक्ष असर पर्ने भएको छ ।
प्रकाशित मिति: आइतबार, जेठ २१, २०७४
-1732776560.jpg)
