२० जेठ, काठमाडौँ । नेकपा एमाले निर्वाचन आयोगको निर्णयविरुद्ध अदालत जाने भएको छ । भरतपुर महानगरपालिकाको वडा नम्बर १९ मा पुनः मतदान गर्ने आयोगको निर्णयविरुद्ध एमालेले अदालत जाने तयारी गरेको हो । एमाले संसदीय दलका उपनेता सुवास नेम्वाङले नागरिकको मत दुरुपयोग गरिएकाले न्याय खोज्न आफूहरु अदालत जाने जानकारी दिए । उनले भने ‘भरतपुरमा नियोजित रुपमा नागरिकको मतको दुरुपयोग गरिएको छ, त्यसको विरोधमा एमाले अदालत जान्छ’ उपनेता नेम्वाङले संविधान, निर्वाचन मूल्य र मान्यताको अवमूल्यन भएको भन्दै एमालेले हामी अदालत, संसद सडक जताजतैबाट नागरिकको मतको सम्मान खोज्ने बताए ।
प्रकाशित मिति: शुक्रबार, जेठ १९, २०७४
-1732776560.jpg)
