१९ जेठ, काठमाडौँ । संसद सचिवालयले आज प्रधानमन्त्री निर्वाचन कार्यतालिका सार्वजनिक गर्दै छ । कार्यव्यवस्था परामर्श समितिको बैठकमा सभामुख ओनसरी घर्तीले प्रधानमन्त्री निर्वाचन कार्यतालिका तत्काल ल्याउने बताएकी छिन । बैठकमा कांग्रेस र माओवादी सांसदहरुले कार्यसूची तत्काल सार्वजनिक गर्न माग गरे । कांग्रेस र माओवादी समर्थकले अगामी आइतबार जेठ २१ गते कांग्रेस सभापति शेरबहादुर देउवालाई प्रधानमन्त्री बनाउने गरी कार्यसूची ल्याउनुपर्ने सुझाव दिएको माओवादी सांसद रामनारायण विडारीले बताए । बैठकमा सत्तारुढ दलका कतिपय नेताले भने मार्सल लगाएर भए पनि प्रधानमन्त्री निर्वाचन प्रक्रिया अघि बढाउनुपर्ने बताएका थिए । उनीरुले कामचलाउ सरकार लामो समय रहन दिन नहुनेभन्दै मार्सल नै लगाएर भए पनि प्रधानमन्त्रीको निर्वाचन गर्नुपर्ने बताए । बैठकमा प्रतिपक्षी दल एमालेले भने संसदको अवरोध नखुलाइकन प्रधानमन्त्री चयन प्रक्रिया सुरु नगर्न आग्रह गरेको छ । चितवन भरतपुर महानगरपालिकाको मतगणनाको विवाद सल्टाएर मात्र प्रधानमन्त्री चयन प्रक्रिया अगाडि बढाउन आग्रह गरेको एमाले नेता राजेन्द्र पाण्डेले जानकारी दिए । सभमुखले निर्वाचन तालिकाको बारेमा अहिले दिउँसो ३ बजे शीर्ष नेताहरुसँग छलफल गर्दैछिन ।
प्रकाशित मिति: बिहीबार, जेठ १८, २०७४
-1732776560.jpg)
