१८ जेठ, काठमाडौँ । गीतकार कुसुम गजमेरको ७२ वर्षको उमेरमा आज निधन भएको छ । लिभरको समस्याका कारण मुम्बईमा उपचाररत गीतकार गजमेरको बिहीबार बिहान ३ बजेर ४० मिनेट जाँदा निधन भएको हो । भारतको दार्जिलिङमा विसं २००२ असोज १७ गते जन्मिएकी उनले बाँसुरी, लाहुरे, देउता, पिरती, सम्झना, चिनो, दुई थोपा आँसुसहितका नेताली चलचित्रमा गीत लेखेकी थिइन । उनले लेखेको मोहनी लाग्ला है, कसरी भनुँ म मनको कुरा यो, के सोचें मैले के भयो अहिले, झझल्को लिएर आएछ सावन, पिरती आफै हुँदो रैछ, यो मुटुलाई कसरी सम्झाई बुझाउँ, रेली खोला बगर, विरताको चिनो वीरताको सन्तान, नयाँ नयाँ सजाउँ है सनसार, दुई पाते सुइरोसहितका गीत चर्चित छन् । उनको श्रीमान दुई छोर र एक छोरा छन ।
प्रकाशित मिति: बुधबार, जेठ १७, २०७४
-1732776560.jpg)
