१७ जेठ, काठमाडौं । अफगानिस्तानको राजधानी काबुलमा बुधबार बिहान कूटनितिज्ञ व्यक्तित्वहरुको आवासस्थानलक्षित भएको आत्मघाती आक्रमणमा परी ८०जनाको मृत्यु भएको अफगान गृह मन्त्रालयले जानकारी दिएको छ । यस आक्रमणमा परी महिला र बालबालिकासहित ३५० भन्दा बढी घाइते भएका छन् । आत्मघाती आक्रमणकारीले विस्फोटन पदार्थले भरिएको एक सवारी साधानलाई स्थानीय समयाअनुसार ८ः३० बजे बुधबार विहान जान्बाक स्क्वायरस्थित बिस्फोट गराइएको बताइएको छ । यस विस्फोटको कारण ५० भन्दा बढी सवारी साधन ध्वस्त र क्षतिग्रस्त भएको समाचार उल्लेख छ । यसैबीच अाक्रमणामा परी त्यहाँकाे दूतावासमा सुरक्षागार्डको रूपमा कार्यरत पाँच नेपाली पनि घाइते भएका छन । भारतमा रहेकाे नेपाली दूतावासले त्यहाँकाे बारेमा थप जानकारी लिने प्रयास गरिरहेको छ ।
प्रकाशित मिति: मंगलबार, जेठ १६, २०७४
-1732776560.jpg)
