१३ जेठ, काठमाडौँ । निर्वाचन आयोगले गत वैशाख ३१ गते सम्पन्न स्थानीय तह निर्वाचनबाट हालसम्म १३ हजार ३३ जनप्रतिनिधि निर्वाचित भएको जानकारी दिएको छ । कान्तिपथस्थित आयोगमा रहेको संयुक्त निर्वाचन परिचालन केन्द्र (जेइओसी) का अनुसार हालसम्म २८० स्थानीय तहको मतगणना समाप्त भई निर्वाचित जनप्रतिनिधिको विवरण प्राप्त भएको छ । अब काठमाडाँै र भरतपुर महानगरपालिका तथा चाँगुनारायण नगरपालिका गरी तीन स्थानीय तहको विवरण प्राप्त हुन बाँकी रहेको आयोगका प्रवक्ता सूर्यप्रसाद शर्माले जानकारी दिए । पछिल्लो विवरणानुसार नगर प्रमुख वा अध्यक्ष २८०, उपाध्यक्ष÷उपप्रमुख २८०, वडाध्यक्ष दुई हजार ५२६, खुला वडा सदस्य पाँच हजार ४६, महिला सदस्य दुई हजार ५२१ र दलित महिला सदस्य दुई हजार ३८० जना निर्वाचित भैसकेका छन ।
प्रकाशित मिति: शुक्रबार, जेठ १२, २०७४
