१२ जेठ, कामठाडौँ । नेपाल मजदुर किसान पार्टीका अध्यक्ष नारायणमान बिजुक्छेले नेपाली कांग्रेस र एमालेको समिकरणमा नयाँ सरकार गठन हुने दाबी गरेका छन । शुक्रबार भक्तपुरमा आयोजित एक कार्यक्रममा बोल्दै उनले नयाँ सरकार गठनमा कांग्रेस एमालेको समिकरण हुने बलियो आधार बन्दै गएको बताए । बिजुक्छेले सरकारले निरङकुशता लादेर नयाँ सरकार गठनको प्रक्रिया अघि बढाएको जिकिर गर्दै अहिलेको समयमा नयाँ सरकार गठन आचारसंहिता विपरित हुने बताए । उनले सरकारले आचारसंहिता विपरित बजेट, नीति तथा कार्यक्रम ल्याएको बताउँदै दोस्रो चरणको चुनाव अघि ल्याइएको बजेटले दोश्रो चरणको चुनावलाई प्रभाव पार्ने बताए । अध्यक्ष बिजुक्छेले नेमकिपा नयाँ गठन हुने सरकारमा सहभागी नहुने बताउँदै आफ्नो पार्टी प्रतिपक्षमा बसेर जनताको हक अधिकार स्थापनाका लागि आवाज उठाउँने बताए ।
प्रकाशित मिति: बिहीबार, जेठ ११, २०७४
