४ जेठ धादिङ । धादिङ जिल्लाको बेनिघाट रोराङ गाउँपालिकाको अध्यक्षमा माओवादी केन्द्रका हरि डल्लाकोटी विजयी भएका छन । डल्लाकोटी ६ हजार ४ सय १० मत ल्याई विजयी भएका हुन् । उपाध्यक्षमा नेपाली काँग्रेसका देवीप्रसाद सिलवाल विजयी भएका छन । सिलवालले ५ हजार ३०२ मत प्राप्त गरेका छन । धादिङमा माओवादी केन्द्रले विजयी हाँसिल गरेको यो पहिलो गाउँपालिका हो । बेनिघाट रोराङ गाउँपालिकामा नेकपा एमाले एक्लै लडेको थियो भने माओवादी केन्द्र र नेपाली काँग्रेस तालमेल गरी क्रमश अध्यक्ष र उपाध्यक्ष गरी चुनाव लडेका थिए ।
प्रकाशित मिति: बुधबार, जेठ ३, २०७४
