४ जेठ, काठमाडौँ । अाइजिपी नियुक्तिको मुद्दामा अाज हुने भनिएको सुनुवाइ स्थगित भएको छ । इजलासमा तोकिएका न्यायाधीश देवेन्द्रगोपाल श्रेष्ठ डिआइजी नवराज सिलवालको नातेदार परेका कारण आइजिपी नियुक्ति प्रकरणको सुनुवाई स्थगित भएको हाे । प्रधानन्यायाधीश सुशीला कार्कीले सिलवालको मुद्दाको सुनुवाइ गर्न ७ न्यायाधीशको ‘वृहत पूर्ण इजलास’ गठन गरेकी थिइन । इजलासमा ७ न्यायाधीशहरु देवेन्द्रगोपाल श्रेष्ठ, चोलेन्द्र शमसेर जबरा, जगदीश शर्मा पौडेल, दीपककुमार कार्की, केदारप्रसाद चालिसे, सपना प्रधान मल्ल र तेजबहादुर केसी रहेका थिए । यसअघि वैशाख १९ गते अन्तिम सुनुवाइ हुने भनिएकोमा त्यसको दुई दिनअघि नै प्रधान्यायाधीशमाथि महाअभियोग प्रस्ताव दर्ता भएपछि मुद्दा प्रभावित बनेको थियो । सरकारले सिलवालले कार्यसम्पादन मूल्याकंन कीर्ते गरेको आरोपमा छनविन प्रक्रिया अघि बढाएपछि मुद्दा झनै पेचिलो बनेको छ ।
प्रकाशित मिति: बुधबार, जेठ ३, २०७४
