३ जेठ, नुवाकोट । नुवाकोटको तादी गउँपालिकामा पनि कांग्रेस विजयी भएको छ । तादीको अध्यक्षमा कांग्रेसका उम्मेदवार नारायण पाण्डे विजयी भएका छन । अध्यक्ष पदका उम्मेदवार पाण्डेले ३०९० मत प्राप्त गरे । उनका निकटतम प्रतिद्धन्द्धी नेकपा एमालेका कृष्णप्रसाद पाण्डे (केपी पाण्डे)ले २७३७ मत प्राप्त गरेका छन ।गाउँपालिका उपाध्यक्षमा नेपाली काँग्रेसका उम्मेदवार ईश्वरी उप्रेतीले ३३५५ मत ल्याई बिजयी भइन । उनकी निकटम प्रतिद्धन्द्धी नेकपा एमालेकी उम्मेदवारले २३७६ मत प्राप्त गरेकी छिन । तादी गाउँपालिकामा रहेको छ वटा वडाहरुमा भने मिश्रित परिणाम आएको छ । नेपाली काँग्रेसले तीन वटा वडा, नेकपा माओवादीले २ वटा वडा र नेकपा एमालेले एउटा वडा जितेको छ, जसमा वडा नं. १ मा काँग्रेसको नकुर तामागं अध्यक्ष, वडा नं. २ मा नेकपा माओवादी केन्द्रका बच्चुराम तामागं अध्यक्ष, वडा नं. ३ मा एमालेका मनोज उप्रेती अध्यक्ष, वडा नं. ४ मा काँग्रेसका मुक्तबहादुर श्रेष्ठ, वडा नं. ५ मा माओवादी केन्द्रका विष्णुप्रसाद अधिकारी र वडा नं. ६ मा काँग्रेसका केशव थापा विजयी भएका छन् ।
प्रकाशित मिति: मंगलबार, जेठ २, २०७४
