२ जेठ, दैलेख । दैलेखको नारायण नगरपालिकाको मेयर र उपमेयर दुबैमा नेकपा एमालेका उमेदवार विजयी भएका छन् । मेयरमा रत्नबहादुर खड्का र उपमेयरमा सावित्री मल्ल विजयी भइन । मेयरमा खड्काले ४७२५ मत प्राप्त गरे भने उनका निकटतम प्रतिद्धन्द्धी नेपाली काँग्रेसका मणिराम रेग्मीले ४४५१ मत प्राप्त गरे । उपमेयर मल्लले ४८६६ मत प्राप्त गरिन भने उनको निकटम प्रतिद्धन्द्धी नेपालाी कांग्रेसकी वासना थापाले ४२८९ मत प्राप्त गरिन । नारायण नगरपालिका वडा नम्बर ६, ७ र ८ का वडाध्यक्षमा नेपाली काँग्रेसका उमेदवार विजयी भएका छन् भने बाँकी आठ वडामा एमालेका उमेदवारहरु प्यानलैसहित विजयी भएका छन् ।
प्रकाशित मिति: सोमबार, जेठ १, २०७४
