२ जेठ, सल्यान । सल्यानको ढोरचौर गाउपालिकाको अध्यक्षमा एमालेका चित्रबहादुर चलाउने विजयी भएका छन । केहीबेर अघि सम्पन्न मतगणनाको परिणाम अनुसार चलाउनेले १९२५ मत प्राप्त गरेका छन । उनका निकटतम प्रतिद्धन्द्धी नेकपा माओवादी केन्द्रका नरविर चलाउनेले १५३८ मत प्राप्त गरेका छन । त्यस्तै उपाध्यक्षमा एमालेकै पुष्पा बोहरा निर्वाचित भएकी छिन । उनले १९४६ मत प्राप्त गरेकी छिन । उनको निकटम प्रतिद्धन्द्धी नेकपा माओवादी केन्द्रकी भूमि बुढाथोकीले १५९९ मत प्राप्त गरिन । ५ वटा वडा रहेको ढोरचौर गाउँपालिकामा वडा नम्वर १ र २ माओवादी केन्द्रका उम्मेदवारहरु विजयी भएका थिए । ढोरचौर गाउँपालिका ४ को वडा अध्यक्ष भने बराबर मत भएपछि गोलाप्रथाबाट चयन गरिएको छ । नेपाली कांग्रेसका दिनेश विएम र नेकपा एमालेका देवेन्द्र रोका दुवैले बराबर मत ३ सय २१ प्राप्त गरेपछि गोलाप्रथाबाट कांग्रेसका दिनेश विएमलाई विजयी बनाइएको छ ।
प्रकाशित मिति: सोमबार, जेठ १, २०७४
