१ जेठ, नुवाकोट । मेघाङ गाउँपालिका वडा नं १ मा वडाध्यक्षसहित सदस्यमा नेकपा (एमाले)को समूह नै विजयी भएको छ । आइतबार भएको मतदानको मत परिणामानुसार वडाध्यक्षमा एमालेका उम्मेदवार दलसिंह तामाङले ९२ मत प्राप्त गरी विजयी हुनुभएको छ । महिला सदस्यमा सुनमाया तामाङ ८९, दलित महिला सदस्य पद्मकुमारी दमिनी ८६ तथा खुला सदस्यमा घोसे घले ८७ र पूर्णबहादुर तामाङ ९१ मत ल्याएर विजयी हुनुभएको छ । यस्तै वडाबाट गाउँपालिका अध्यक्षका लागि एमालेलाई ९०, नेकपा (माओवादी केन्द्र)लाई ६१ र काँग्रेसलाई ४६ मत प्राप्त भएको छ । गाउँपालिकाको मतगणना जारी रहेकाले विजयी भएकाको नाम घोषणा हुन बाँकी रहेको निर्वाचन अधिकृत कमलराज ढकालले जानकारी दिनुभयो ।
प्रकाशित मिति: आइतबार, वैशाख ३१, २०७४
