१ जेठ, काठमाडौँ । देशका चारै माहनगरपालिकामा मतगणना सुरु भएको छ । भरतपुर महानगरपालिकामा माओवादी केन्द्रको तर्फबाट मेयरको उम्मेदवारले विवाद सिर्जना गरेपछि विहानदेखि गर्ने भनिएको मतगणना भर्खरमात्रै सुरु भएको छ । यसबाहेक काठमाडौँ, पोखरा लेखनाथ र ललितपुर महागरपालिकामा नेकपा एमालेले सुरुवाती अग्रता कायम गरेको छ । जस अनुसार ललितपुर महानगरपालिकाको मेयरमा नेकपा एमालेले १०७४, नेपाली कांग्रेसले ९५१ र नेकपा माओवादी केन्द्रले ४६८ मत प्राप्त गरेको छ । काठमाडौँ महानगरपालिकामा नेकपा एमालेले २६, नेपाली कांग्रेसले १५, विवेकशील पार्टीले १४, साझा पार्टीले १३ र नेकपा माओवादी केन्द्रले २ मत प्राप्त गरेको छ । यस्तै पोखरा महानगरपालिकमा नेकपा एमालेले ७१, नेपाली कांग्रेसले ४६ मत प्राप्त गरेको छ ।
प्रकाशित मिति: आइतबार, वैशाख ३१, २०७४
