३० वैशख, काठमाडौँ । कारण विश्वका धेरै ठाउँका संघसंस्था ठूलो स्तरको साइबर आक्रमणका कारण प्रभावित भएका छन् । अमेरिकाको राष्ट्रिय सुरक्षा एजेन्सीले तयार पारेको अनुमान गरिएको रानसमवेयरको प्रयोग गरेर विश्वका धेरै ठाउँका संघसंस्थाका कम्प्युटरमा साइबर आक्रमण भएको हो । हजारौं स्थानका कम्प्युटर यसबाट प्रभावित भएका छन् । आक्रमणकारीले तीन सय अमेरिकी डलर बराबरको बिटकोइन माग गर्दै कम्प्युटर लक गरेका छन् । साइबर आक्रमणकारीले ह्याक भएका कम्प्युटरका फाइल फेरि पाउन पैसा खातामा जम्मा गरिदिन भनेका छन् भने पैसा नदिए फाइल नष्ट गरिदिने धम्की समेत दिएका छन् । अहिले भएको साइबर आक्रमणबाट बेलायत, अमेरिका, चीन, रुस, स्पेन, इटाली तथा ताइवानसहित ९९ देशका कम्प्युटर प्रभावित भएका छन् । रेनसमवेयरबाट प्रभावित भएका अहिलेसम्म ७५ हजार भन्दा बढी उजुरी आएको छ । यो साइबर आक्रमण ठूलो रहेको साइबर–सेक्युरिटी फर्म एवास्टले जनाएको छ ।
प्रकाशित मिति: शुक्रबार, वैशाख २९, २०७४
-1732776560.jpg)
