२६ वैशाख, काठमाडौँ । नेकपा एमालेका सचिव योगेश भट्टराईले निर्वाचन आयोग नै शांकास्पद गतिविधिमा संलग्न रहेको आरोप लगाएका छन । पार्टी प्रचार विभागको नियमित पत्रकार सम्मेलन कार्यक्रममा बोल्दै सचिव भट्टराईले भने ‘हामी निर्वाचन आयोगका पछिल्ला गतिविधिलाई सुक्ष्म रुपमा नियाली रहेका छौँ । आयोगका पदाधिकारी दोस्रो चरणको निर्वाचन अघि सार्नेमा सकारात्मक देखिएका छैनन ।’ भट्टराईले भने ‘सुरक्षा निकायले १० दिनको समय भए पुग्ने बताइरहँदा पनि आयोग दुई हप्ता र त्यो भन्दा बढी समयको कुरा गरेर दोस्रो चरणको निर्वाचन जेठ ३१ मै पुर्याउन उद्दत देखिन्छ ।’ उनले अयोगको भूमिकाप्रति गम्भीर आशंका उत्पन्न भएको भन्दै मतगणनाको विषय चाँडै टुंग्याइनुपर्ने बताए । पत्रकार सम्मेलनमा पार्टीका केन्द्रीय सदस्य एवम प्रचार विभाग उपप्रमुख सूर्य थापाले निर्वाचन आयोगले आचारसंहिता उलंघनका घटनामा समेत टुलुटुलु हेरेर बसेको अरोप लगाए ।
प्रकाशित मिति: सोमबार, वैशाख २५, २०७४
