२४ वैशाख, काठमाडौँ । काठमाडौँ महानगरपालिकाका पूर्व मेयर केशव स्थापित विद्यासुन्दर शाक्यको प्रचारमा सक्रिय देखिएका छन । सोमबार बिहान स्थापितले शाक्यलाई काँधमै चढाएर सूर्यमा मत मागे । शाक्य नेकपा एमाले र राप्रपाका तर्फबाट काठमाडौँ महानगरपालिकाका मेयरका संयुक्त उम्मेदवार हुन । स्थापितले शाक्य काठमाडौँको मेयरमा १५ हजार मतान्तरले विजयी हुने दाबी पनि गरे । उनले केही दृष्टान्तहरु प्रस्तुत गर्दै विद्यासुन्दर शक्य जतिको सक्षम र काठमाडाँैको बुझेको उम्मेदबार अरु नभएको बताए । दुई पटकसम्म वडामा सफल अध्यक्षको भूमिका निर्वाह गरिसकेका शाक्य काठमाडौँको मेयरको लागि उययुक्त पात्र भएको उनको भनाइ छ । शाक्यले पनि घरदैलोको क्रममा सकारात्मक प्रतिक्रिया पाइरहेको बताए । उनले आफ्नो विजय निश्चित भएको भन्दै काठमाडौँ महानगरपालिकालाई स्मार्ट सिटी बनाउने बताए ।
प्रकाशित मिति: आइतबार, वैशाख २४, २०७४
