चुनावी प्रचारप्रसार तीव्र, उम्मेदवारलाई घरदैलोको चटारो (फोटोफिचर)

समाचार

चुनावी प्रचारप्रसार तीव्र, उम्मेदवारलाई घरदैलोको चटारो (फोटोफिचर)चुनावी प्रचारप्रसार तीव्र, उम्मेदवारलाई घरदैलोको चटारो (फोटोफिचर)

आजको न्युज शनिबार, वैशाख २३, २०७४

२४ वैशाख, काठमाडौँ । पहिलो चरणमा निर्वाचन हुने मुलुकका २८३ स्थानीय तहमा निर्वाचनको प्रचारप्रसार शान्तिपूर्ण र निकै उत्साहपूर्ण ढङ्गबाट सुरु भएको छ । निर्वाचन आयोगबाट शुक्रबार चुनाव चिह्न प्राप्त गरेपछि मतदातालाई आफ्नो पकडमा पार्न प्रचारप्रसारका सामग्रीसहित आमसभाका अतिरिक्त उम्मेदवारले घरदैलो कार्यक्रम सुरु गरेका छन । पहिलो चरणको निर्वाचन ३, ४ र ६ नं प्रदेशका ३४ जिल्लामा यही वैशाख ३१ गते आइतबार बिहान ७ बजेदेखि अपराह्न ५ बजेसम्म हँुदैछ । सधैँजसो राजधानी र जिल्ला सदरमुकाममा रहने अधिकांश पार्टीका नेताहरु अहिले निर्वाचनको प्रचारप्रसारका लागि लामो समयपछि स्थानीय तहका गाउँगाउँमा पुगेका छन । निर्वाचनको प्रचारप्रसारको समय छोटो भएकाले खासगरी सडक सञ्जाल नपुगेका पहाडी तथा हिमाली क्षेत्रका उम्मेदवारलाई अहिले निकै चापाचाप भएको छ ।

सुगम क्षेत्रका उम्मेदवार भने पार्टीको झन्डा र उम्मेदवारको तस्बिर अङ्कित चुनावी पोस्टर सवारी साधनमा टाँगेर दलबलसहित बिहानदेखि नै प्रचारमा जुटेको देखिएको छ । ठूलो आकारको मतपत्र भएका कारण भोट कसरी हाल्ने भन्ने पाटोमा मतदातालाई आवश्यक शिक्षा पु¥याउने विषय निकै चुनौती रहेको उम्मेदवारबाट गुनासो सुनिएको छ । निर्वाचन आयोगले निर्वाचनमा खटिएका कर्मचारी, राजनीतिक दल, नागरिक समाज र सञ्चारमाध्यमलाई मतदातालाई निर्वाचनमा सहभागी हुन र आचारसंहिता पालनाको सन्देश गाउँगाउँमा पु¥याउन पटकपटक आग्रह गर्दै आएको छ ।उम्मेदवारहरुको प्रचारप्रसारको फोटो

1_1 1 (1) 1 (10) 1 (4) 1 (2) 1 (5) 1 (6) 1 (8) 1 (7) 1 (9) 1_2