२३ वैशाख, काठमाडौँ । ८६ वर्षीय आरोही मीनबहादुर शेरचनको सगरमाथा आरोहणका क्रममा शनिबार निधन भएको छ । विश्व रेकर्डका लागि सगरमाथा आरोहणमा हिडेका ८६ वर्षीय आरोही शेरचनको निधन भएको हो । म्याग्दीको भुरुवा तातोपानीका शेरचन काठमाडौंको समिट ट्रेड नेपाल नामक ट्रेकिङ एजेन्सीबाट सगरमाथा आरोहणमा हिँडेका थिए । पर्यटन विभागका महानिर्देशक दिनेश भट्टराईका अनुसार शेरचनको शनिबार साँझ निधन भएको हो । शेरचन वैशाख ३ गते आइतबार सात सदस्यीय टोलीसहित काठमाडौंबाट सगरमाथा आरोहणमा हिड्ेका थिए । शेरचनले सन् २००८ मा ७६ वर्षको उमेरमा तीन सय ४० दिन लगाएर सगरमाथा आरोहण गरी विश्व कीर्तिमान राखेका थिए ।
प्रकाशित मिति: शुक्रबार, वैशाख २२, २०७४
