२० वैशाख, काठमाडौँ । अख्तियार दुरुपयोग अनुसन्धान आयोगको टोलीले साढे चार लाख घुससहित रसुवामा दुईजनालाई रंगेहात पक्राउ गरेको छ । टोलीले चाइना पासका लागि चार लाख ५० हजार रुपँया घुस लिइरहेको अवस्थामा नौकुण्ड गाउँपालिकाको वडा १ र २ का वडा सचिव राजेन्द्रप्रसाद आचार्य र वडाका कार्यालय सहायक लाक्पा तामाङलाई पक्राउ गरेको हो । चाइना पास बनाइदिने भन्दै रसुवा भन्दा बाहिरी जिल्लाका व्यक्तिसँग ५० हजार लिइरहेको विशेष सुराकीको आधारमा गोसाइकुण्ड गाँउपालिका–६ को वडा कार्यालयबाट वडा सचिव र कार्यालय सहायकलाई अख्तियारले प्रक्राउ गरेको जनाएको छ । अनुसन्धानका लागि आयोगको केन्द्रिय कार्यालयमा लगिएको छ ।
प्रकाशित मिति: मंगलबार, वैशाख १९, २०७४
