१८ वैशाख, काठमाडौँ । यही वैशाख ३१ गते हुने स्थानीय तहको निर्वाचनका लागि नेकपा (एमाले) ले केही महानगर र उपमहानगरपालिकाका उम्मेदवारहरुको टुंगो लगाएको छ । सोमबार बसेको स्थायी समिति बैठकले मातहत कमिटीहरुको सिफारिशसमेतलाई ध्यान दिँदै पोखरा लेखनाथ महानगरपालिकाका लागि प्रमुखमा मानबहादुर जीसी र उपप्रमुखमा मञ्जु गुरुङलाई उम्मेदवार बनाउने निर्णय गरेको छ । त्यसैगरी भरतपुर महानगरपालिकाको प्रमुखमा देवी ज्ञवाली र उपप्रमुखमा दिव्या आचार्यलाई उम्मेदवार बनाउने निर्णय गरेको छ । हेटौँडा उपमहानगरपालिकको प्रमुखमा हरिबहादुर महतलाई उम्मेदवार बनाउने निर्णय गरिएको छ । त्यस्तै उपप्रमुखमा सरस्वती तमाङलाइ उम्मेद्वार बनाउने निर्णय भएको छ । काठमाडौँ र ललितपुर महानगरपालिका प्रमुख–उपप्रमुख र हेटौँडा उपमहानगरपालिकाको उपप्रमुखका सन्दर्भमा थप छलफल गरी मंगलबार बिहानसम्ममा टुंगो लगाउने निर्णय भएको बैठकपछि जारी विज्ञीतमा उल्लेख छ । बैठकमा प्रदेश नम्बर ३ का संयोजक अष्टलक्ष्मी शाक्य र प्रदेश नम्बर ४ का संयोजक किरण गुरुङले समीक्षात्मक प्रतिवेदन प्रस्तुत गरेका थिए । मंगलबार नै मनोनयन दाखिल गर्नुपर्ने प्रदेश नम्बर ६ का सबै उम्मेदवारहरु यसअघि नै तय भइसकेका छन् ।
प्रकाशित मिति: आइतबार, वैशाख १७, २०७४
