१२ वैशाख, काठमाडौँ । नेपाली कांग्रेसले अन्तिम समयमा स्थानीय तह निर्वाचनको उम्मेदवार सिफारिस समिति संशोधन गरेको छ । मंगलबार बिहान पार्टी केन्द्रीय कार्यालय सानेपामा बसेको कांग्रेस पदाधिकारी बैठकले उम्मेदवार सिफारिस समिति संशोधन गर्दै पुरानै सर्कुलर अनुसार सिफारिस गर्न परिपत्र गर्ने निर्णय गरेको हो । संशोधित समितिमा महाधिवेशन प्रतिनिधि र महासमिति सदस्यहरुलाई हटाइएको छ । यसअघि कांग्रेसको उम्मेदवार सिफारिस समिति जम्बो आकारको थियो । समिति ठूलो हुँदा बिभिन्न मतहरु आउने हुँदा उम्मेदवार सिफारिस गर्न गाह्रो भएकाले संशोधनको माग उठेको थियो ।
प्रकाशित मिति: सोमबार, वैशाख ११, २०७४
