९ वैशाख, काठमाडौँ । अफगानिस्तानमा तालिवान लडाकुले सेनाको शिविरमा आक्रमण गर्दा ५० भन्दा बढी अफगान सैनिकको ज्यान गएको छ । उत्तरी शहर मजार–ए–शरिफ शहरको बाहिरी क्षेत्रमा रहेको सेनाको त्यस क्षेत्रको हेडक्वाटरमा आक्रमण भएको हो । सेनाको पहिरनमा आएका तालिवान लडाकुले आक्रमण गरेको स्थानीय अधिकारीलाई उद्धृत गर्दै बिबिसीले जनाएको छ । मस्जिद नजिक रहेको सेनाको हेडक्वाटरमा आक्रमण भएको हो । तालिवानले विज्ञप्ती निकालेर घटनाको जिम्मा लिएको छ । अफगान सेनालाई तालिवान विरुद्धको कारवाहीका पश्चिमा राष्ट्रको गठबन्धन सेना नेटोले साथ दिँदै आएको छ ।
प्रकाशित मिति: शुक्रबार, वैशाख ८, २०७४
-1732776560.jpg)
