७ वैशाख, काठमाडौँ । दक्षिण अमेरिकी देश भेनेजुएलामा सरकारको विरोधमा भएको प्रदर्शनको क्रममा तीनजनाको ज्यान गएको छ । भेनेजुएलामा राष्ट्रपति निकोलश मदुरोको सरकार विरुद्ध विपक्षीले प्रदर्शन गर्दै आएका छन् । राजधानी कराकसमा एक किशोर तथा कोलम्बियाको सीमा नजिकको सान क्रिटोबालमा एक महिलनाको गोली लागेर ज्यान गएको छ । यस्तै राजधानी कराकसमै एकजना सुरक्षाकर्मीको ज्यान गएको छ । नयाँ राष्ट्रपतीय चुनावको माग गर्दै दशौं हजारले प्रदर्शन गरेका छन् । विपक्षी पार्टीको नेतृत्वमा भएको प्रदर्शनमा धेरैको सहभागिता छ । उनीहरुले जेलमा रहेका आफ्ना नेता तथा कार्यकर्ताको रिहाइको माग पनि गरेका छन् ।
प्रकाशित मिति: बुधबार, वैशाख ६, २०७४
-1732776560.jpg)
