६ वैशाख, काठमाडौँ । राष्ट्रिय ख्रीष्टियन महासंघले कार्यालय सचिव सन्तोष खड्का माथि अज्ञात समूहले गोली प्रहार गरेको घटनाप्रति ध्यानाकर्षण भएको जनाएको छ । ललितपुर मानभवनस्थित केन्द्रिय कार्यालयबाट घर जाने क्रममा यही बैशाख ३ गते साँझ ७ बजे महासंघका कार्यालय सचिव खड्कामाथि अज्ञात समूहले गोली प्रहार गरेको थियो । महासंघले खड्कामाथि भएको आक्रमण सिंगो ख्रीष्टियन समुदायमाथिको आक्रमण भएको भन्दै घटनाको निन्दा गरेको छ । महासंघले घटना बारेमा सरकारले यथाशिघ्र छानविन समिति गठन गरी सत्य तथ्य पत्ता लगाई दोषीलाई कडा भन्दा कडा कारवाही गर्न गर्नुपर्ने माग गरेको छ । गम्भिर घाईते भएका खड्काको शल्यक्रिया मार्फत शरिरमा लागेको गोली निकालिएको महासंघका अध्यक्ष सिबी गहतराजले जनाएका छन ।
प्रकाशित मिति: मंगलबार, वैशाख ५, २०७४
