६ वैशाख, कठमाडौँ । नेपाल पत्रकार महासंघ भोजपुरको अध्यक्ष्यमा श्यामकृष्ण दाहाल निर्विरोध निर्वाचित भएका छन । मंगलबार भएको चुनावी प्रक्रियाबाट दाहालको नेतृत्वमा ११ सदस्य कार्यसमिति चयन भएको हो । कार्यसमितिमा खुल्ला उपध्याक्षमा एक्सन राई, महिलाबाट विद्या राई, सचिवमा वुद्धप्रसाद तामाङ, सह–सचिवमा मकर तामाङ र मोहन दुराल तथा कोषध्याक्षमा युवराज विष्ट सर्वसम्मत निर्वाचित भएका छन । त्यसैगरी सदस्यहरुमा सौगत गौतम, सत्य राई रहेका छन् । बाँकी सदस्य कार्यसमितिको बैठकबाट मनोनित गर्ने अध्याक्ष श्यामकृष्ण दाहालले बताए । त्यस्तै प्रदेश सभासदमा भोजबहादुर विष्ट, उमेश अधिकारी, बाबुराम बास्तोला, उमेश तामाङ र केवल प्रधान निर्विरोध निर्वाचित भए । केन्द्रीय सभासदमा ज्ञानेन्द्र खड्का, किरण राई, धु्रव सुवेदी, गणेश विष्ट र निर्मला कार्की निर्वाचित भएका छन ।
प्रकाशित मिति: मंगलबार, वैशाख ५, २०७४
