५ वैशाख, डोल्पा । डोल्पाको त्रिपुरासुन्दरी नगरपालिकाको भिठ्ठीमा मंगलबार जीप दुर्घटना हुँदा चार जनाको मृत्यु भएको छ । दुर्घटनामा अन्य दुई जना घाइते भएका छन् । भे १ च १२५१ नम्बरको जीप सडकबाट करिब डेढ सय मिटर तल खसेको प्रहरीले जनाएको छ । दुर्घटनामा जीप चालक दैलेख घर भई हाल डोल्पाको कालागौंडा बस्ने बुद्धसिंह कठायत, ठूलोभेरी नगरपालिका–७ की सोनी रोकाय, डोल्पाको ठूलोभेरी नगरपालिका–९ का लोकेन्द्र शाही र त्रिपुरासुन्दरी नगरपालिका–४ का धर्मलाल बुढाको मृत्यु भएको प्रहरीले जनाएको छ । घाइतेहरुको जिल्ला सदरमुकाम दुनैमा उपचार भइरहेको छ । दुर्घटनाको कारण नखुलेको र अनुसन्धान भैरहेको प्रहरीले जनाएको छ ।
प्रकाशित मिति: सोमबार, वैशाख ४, २०७४
