३१ चैत, मोरङ । निर्वाचन आयोगले दुई चरणमा निर्वाचन गर्न कठिन हुने बताएको छ । प्रमुख निर्वाचन आयुक्त अयोधिप्रसाद यादवले बिहीबार मोरङको बिराटनगरमा आयोजित पत्रकार सम्मेलनमा दुई चरणमा निर्वाचन गर्दा आयोगलाई गाह्रो हुने बताए । यादवले मतपत्र छाप्ने काम पुरा भएको र मतदाता नामावलीसमेत तयार भइसकेको अवस्थामा दोस्रो चरणमा निर्वाचन कल्पनै गर्न नहुने बताए । उनले सरकारले दुई चरणको निर्वाचनको बारेमा भाषणवाजी गर्ने भन्दा पनि आयोगसँग छलफल गर्नपर्नेमा जोड दिए । यादवले २०६४ को निर्वाचनमा पनि नोमिनेसनको अवधि बढाइएको स्मरण गर्दै यादवले राजनीतिक रुपमा असमझादारी भएका विषयलाई दलहरुले मिलेर समाधान गर्नुपर्ने बताए ।
प्रकाशित मिति: बुधबार, चैत ३०, २०७३
