३० चैत, काठमाडौँ । आईजीपी नियक्तिका बारेमा सर्बोच्च अदालतले सरकारका नाममा कारण देखाउ आदेश जारी गरेको छ । न्यायधिश ईश्वरप्रसाद खतिवडाको एकल ईजालासले बुधबार यस्तो आदेश जारी गरेको हो । आफुलाई अन्यायपूर्ण तरिकाले आईजीपी नियुक्ति नगरिएको भन्दै डिआइजी नवराज सिलवालले मंगलबार सर्बोच्चमा रिट दायर गरेका थिए । सरकारको निर्णय कार्यन्वयन नगराई पाँउ भनि सिलवालले रिटमा गरेको मागलाई भने सर्बोच्चले अस्विकार गरेको छ । अदालतले नेपाल प्रहरीको महानिरीक्षक (आइजिपी) मा प्रकाश अर्याललाई नियुक्त गर्ने मन्त्रिपरिषदको निर्णय बदर गर्न अन्तरिम आदेश जारी नहुने भनेको छ । सिलवालले आइजिपीका दाबेदार चार डिआइजीमध्ये वरिष्ठता र कार्यसम्पादन मूल्यांकनका आधारमा आफू सबभन्दा माथि रहेको दाबी गर्दै सरकारको निर्णयविरुद्ध रिट दायर गरेका हुन् । रिट निवेदनमा उनले आफू र नवनियुक्त आइजिपी अर्यालको चार वर्षको कार्यसम्पादन मूल्यांकनसमेत दाँजेर पेस गरेका छन् ।
प्रकाशित मिति: मंगलबार, चैत २९, २०७३
