२९ चैत, काठमाडौँ । तराई मधेस लोकतान्त्रिक पार्टीका सांसद अकवाल अहमदले बन्दुकबाट निर्वाचन गराउने प्रयास गरियो भने त्यसबाट उत्पन्न स्थितिको जिम्मेवार सरकार हुनुपर्ने बताएका छन । मंगलबारको संसद बैठकमा समय लिएर बोल्दै सांसद अहमदले संसदमा विचाराधीन संविधानको दोश्रो संशोधन विधेयक फिर्ता लिने सरकारको कदमको बिरोध गरे । उनले सीमंकान हेरफेर नभइ मधेसी मोर्चा निर्वाचनमा सहभागी नहुने चेतावनी दिए । उनले संविधानको धारा २ सय ७४ मा संघीय सीमांकन आयोग गठनपछि त्यसै आयोगले सीमांकन निर्धारण गर्ने उल्लेख रहेको भन्दै सीमांकन सहितको विचाराधीन विधेयक फिर्ता लिने सरकारको प्रस्तावमा मोर्चाको बिरोध रहेको जनाए । अहमदले बोले लगत्तै मधेस केन्द्रित दलबाट संसदमा उपस्थित सांसदहरु बैठक वहिष्कार गरी बाहिरिएका थिए । मोर्चाले माग पूरा नहुँदासम्म संसद बैठक बहिष्कार जारी राख्ने बताएको छ ।
प्रकाशित मिति: सोमबार, चैत २८, २०७३
