२९ चैत, काठमाडौँ । डिआइजी नवराज सिलवाल आइजिपी नियुक्ति बदरको माग गर्दै फेरि सर्वोच्च अदालत पुगेका छन । सरकारले प्रहरी महानिरीक्षकमा प्रकाश अर्याललाई नियुक्ति गरेर रातारत दज्र्यानी चिन्ह दिएर पदभार ग्रहण गराएको २४ घन्टा नबित्दै डिआइजी सिलवाल फेरि सर्वोच्चको शरणमा पुगेका हुन । सिलवालले गैरकानुनी रुपमा प्रकाश अर्याललाई प्रहरी महानिरीक्षकमा बढुवा गरेको जनाउँदै आफूलाई महानिरीक्षक बनाउन माग गरी आज सर्वोच्च अदालतमा रिट निवेदन दायर गरेका हुन । प्रधानमन्त्री तथा मन्त्रिपरिषद्को कार्यालय, प्रधानमन्त्री, गृहमन्त्रालयलगायतलाई विपक्षी बनाई दायर गरिएको निवेदनमा आफूलाई प्रहरी महानिरीक्षकमा बढुवा पाउने कानुनप्रदत्त हकमाथि आघात सिर्जना भएको हुँदा मन्त्रिपरिषद्को सोमबारको निर्णय बदर गरी आफूलाई प्रहरी महानिरीक्षक बनाउन माग गरिएको छ । निवेदनमा चार वर्षको कार्यसम्पादन मूल्याङ्कनमा आफूले २६३ र प्रकाश अर्यालले २६२ अङ्क प्राप्त गरेको हुँदा आफू कार्यसम्पन्न र मूल्याङ्कनमा अगाडि भएको उल्लेख छ । यसअघि फागुन १ गते बिहानको मन्त्रिपरिषद् बैठकले डिआइजी जयबहादुर चन्दलाई प्रहरी महानिरीक्षकमा नियुक्त गरेपछि वरियता मिचिएको भन्दै सिलवालले सोही दिन सर्वोच्च पुगेका थए ।
प्रकाशित मिति: सोमबार, चैत २८, २०७३
