२५ चैत, काठमाडौँ । केन्द्रीय बालकल्याण समितिले निर्वाचनसँग सम्बन्धित कुनै पनि गतिविधिमा बालबालिकाको प्रयोग नगर्न अनुरोध गरेको छ । समितिका कार्यकारी निर्देशक तारक धितालले शुक्रबार एक विज्ञप्ति जारी गर्दै निर्वाचनको प्रचार प्रसारमा बालबालिकाको प्रयोग नगरिदिन सम्पूर्ण राजनीतिक दलहरुलाई आग्रह गरेका हुन । विज्ञप्तिमा कुनै पनि स्वरुपमा बालबालिका जोखिममा नपरुन, उनीहरुको शारीरिक, मानसिक तथा संरक्षणमा आघात नपुगोस्, निहीत स्वार्थका लागि बालबालिकाको प्रयोग नहोस् र उनीहरुको विद्यालय शिक्षामा अवरोध नपुगोस् भन्ने लगायत संविधानले नै अंगिकार गरेको बालबालिकाको सर्वोत्तम हितलाई ध्यान दिनुपर्ने मान्यतालाई सबैले आत्मसाथ गरुन भनिएको छ । त्यस्तै विज्ञप्तिमा निर्वाचन पूर्व, निर्वाचनको दिन र निर्वाचन पछिका दिनहरुमा समेत प्रचार प्रसार लगायतका कार्यमा बालबालिकालाई प्रयोग नगर्न, विद्यालय र विद्यालय हाता भित्र आमसभा, माईकिङ लगायत निर्वाचन प्रचारका काम नगर्न नगराउन, कुनै पनि बहानामा विद्यालयको पढाईलाई अवरोध नगर्न नगराउन र शैक्षिक संस्थाको भित्ता वा पर्खालमा पोस्टर नटाँस्न, भित्ते लेखन नगर्न, नगराउन, विजय जुलुसमा बालबालिकालाई सहभागी नगर्न, नगराउन अपिल गरिएको छ ।
विज्ञप्ति
केन्द्रीय बाल कल्णाय समितिले जनचेतनाका लागि प्रकाशित गरेको पोष्टर
प्रकाशित मिति: बुधबार, चैत २३, २०७३
