२४ चैत, कास्की । मन्त्रिपरिषद्का पूर्व अध्यक्ष खिलराज रेग्मीले स्वार्थी भावना त्यागी शान्ति र अहिंसाको बाटोमा लाग्न सबैसँग आग्रह गरेका छन । मानव मिलन संस्थाका संस्थापक नेपाल केशरी डा मणिभद्र मनिजी महाराजको सर्वोदय शान्ति पदयात्राका क्रममा भारतको जयपुरदेखि पोखरा आगमन तथा नैन स्थानक भवनमा प्रवेश कार्यक्रमलाई बिहीबार सम्बोधन गर्दै उनले क्षुद्र वचन बोलेर कसैको भावनामा चोट पुर्याउनु नै हिंसा भएको टिप्पणी गरे । एक मानिसले अर्को मानिसलाई सम्मान गर्ने बानी बसाल्न सिकौँ भन्दै पूर्व प्रधानन्यायाधीशसमेत रहनुभएका रेग्मीले दीनदुःखीको सेवाले नै मानिसलाई सन्तुष्टिको भावना अनुभूत गराउने बताए ।
प्रकाशित मिति: बुधबार, चैत २३, २०७३
