१८ चैत, काठमाडौँ । सरकारले स्थानीय निर्वाचन प्रयोजनका लागि मागेको म्यादी प्रहरीमा आवश्यक संख्याको दोब्बर भन्दा बढी आवेदन परेको छ । प्रहरी प्रधान कार्यालयले यही चैत ११ देखि १७ गतेसम्म ७५ हजार म्यादी प्रहरीका लागि आवेदन मागेकामा एक लाख ७२ हजारभन्दा बढी आवेदन परेके छ । प्रहरी प्रवक्ता सर्वेन्द्र खनालका अनुसार पूर्वाञ्चलमा ४४ हजार ६६, काठमाडौँ उपत्यकामा सात हजार एक सय १२, मध्यमाञ्चलमा ४२ हजार दुई सय ७४, पश्चिमाञ्चलमा २७ हजार आठ सय ५७, मध्यपश्चिमाञ्चलमा ३३ हजार चार सय ३१ र सूदुरपश्चिमाञ्लमा १८ हजार दुई ३७ को आवेदन परेको छ ।
प्रकाशित मिति: बिहीबार, चैत १७, २०७३
