११ चैत, काठमाडौं । अनलाइन सञ्चालन निर्देशिका लागू भएकाले अब सूचना विभागसँग अनुमति नलिई कुनै पनि अनलाइन सञ्चालन गर्न नमिल्ने भएको छ । हाल सञ्चालनमा रहेका अनलाइन पत्रिकाहरुले अबको ५६ दिनभित्र नेपाल सरकारमा दर्ता गरेर लाइसेन्स लिनुपर्ने छ । सूचना तथा सञ्चार मन्त्रालयले दर्ताको प्रमाणपत्र नलिई अनलाइन पत्रिका सञ्चालन गर्न नपाइने निर्देशिका लागू गरेको आज ४ दिन भएको छ । निर्देशिका लागू भएको ६० दिनभित्र अनलाइन पत्रिकाहरु दर्ता गरिसक्नुपर्ने व्यवस्था गरिएको छ । अनलाइन अनिवार्यरुपमा सूचना विभागमा दर्ता गरेर प्रमाणपत्र (लाइसेन्स) लिनुपर्ने भएको छ । निर्देशिका जारी हुनु अगावैदेखि सञ्चालन भइरहेका अनलाइन पत्रिकाहरुले निर्देशिका लागू भएको ६० दिनभित्र अनिर्वायरुपमा दर्ता हुनुपर्ने सरकारले व्यवस्था गरेको हो । दर्ता नगरी अनलाइन पत्रिका चलाए सरकारले बन्द गर्नसक्ने व्यवस्था समेत गरिएको छ ।
प्रकाशित मिति: बिहीबार, चैत १०, २०७३
