११ चैत, प्यूठान । ललितपुरबाट धार्मिक तीर्थस्थल स्वर्गद्वारी जाँदै गरेको बा ८ च १५६१ ननम्बरको स्कार्पियो जिप दुर्घटना हुँदा मृत्यु हुने सबैको पहिचान खुलेको छ । दुर्घटनामा ६ जनाको मृत्यु भएको थियो । मृत्यु हुनेहरुमा ललितपुर महानगरपालिका–१४ तिसेदेवलका दिनेश बस्नेत तथा उनका छोरीहरु दिक्षा, पद्मा र दिया रहेका छन । त्यस्तै सोहि ठाउँका सुनिता श्रेष्ठ र श्रृष्टी खत्रीको पनि घटनास्थलमै मृत्यु भएको जिल्ला प्रहरी कार्यालय प्यूठानले जनाएको छ । दुर्घटनामा घाईतेहुनेहरुमा सवारी चालक सरोज घले, सुशीला बराल र अमृता गजुरेल छन् । घाइतेहरुको उपचारका लागि बुटवल पठइएको छ ।
प्रकाशित मिति: बिहीबार, चैत १०, २०७३
