१० चैत, काठमाडौँ । राष्ट्रिय पुनर्निर्माण प्राधिकरणका प्रमुख कार्यकारी अधिकृत (सिइओ) डा. गोविन्दराज पोखरेलले भूकम्प प्रभावित जिल्लामा घर निर्माणका लागी सहुलियत दरमा काठ उपलव्ध गराउन बन मन्त्रालयसहित सरोकारवाला निकायलाई निर्देशन दिनुभएको छ । भूकम्प प्रभावित जिल्लामा काठको अभावमा सर्वसाधरणले घर बनाउन नसकेको गुनासो आइरहेको बेला प्राधिकरणका सिइओ पोखरेलले बिहिवार बनसचिव प्रकाश माथेमा, बन बिभागका महानिर्देशक कृष्णप्रसाद आचार्य र टिम्बर कर्पाेरेशन अफ नेपालका महाप्रबन्धक राजु लौडारीलाई बोलाएर सिइओ पोखरेलले यस्तो निर्देशन दिनुभएको हो ।
बैठकमा सिइओ पोखरेलले भूकम्प पिडितहरुका लागी सहुलियतमा दिने भनिएको काठ बितरणको प्रक्रिया सहज बनाएर अति प्रभावित १४ जिल्ला सदरमुकामसम्म ढुवानी गर्ने व्यवस्था मिलाउन आग्रह गर्नुभएको थियो । सो क्रममा सहभागी अधिकारीले आवश्यक गृहकार्य गरि जतिसक्दो छिटो भूकम्प प्रभावित जिल्लामा सहुलियत दरमा काठ उपलव्ध गराउन पहल गरिने बताएका थिए । सिइओ पोखरेलले जिल्लामा टिसिएन समितिलाई आफ्नो शाखा बिस्तार गरेर भएपनि प्रभावकारी रुपमा सहुलियत दरको काठ बितरण गर्न निर्देशन दिनुभयो । पोखरेलले भन्नुभयो ः तपाईहरुले न्युन लागतमा प्रभावित जिल्लाको सदरमुकामसम्म सहुलियत दरमा काठ पु¥याउने व्यवस्था गर्नुहोस, कार्यविधि संशोधन गरेर हुन्छ वा क्याविनेटसम्म कुनै प्रस्ताव लग्नुपर्छ त्यसमा हामी सहयोग गर्छाै तर तपाईहरुले घर बनाउन आवश्यक पर्ने काठको सहज बितरण गर्नुप¥यो । पोखरेलले जिल्ला बन पैदावार समिति, टिसिएन र निजी क्षेत्रलाई सहभागी गराएर काठ बितरणलाई प्रभावकारी बनाउन सकिने सुझाव दिनुभएको थियो ।
प्रकाशित मिति: बुधबार, चैत ९, २०७३
