८ चैत, काठमाडौँ । नेकपा एमालेका सांसद अनन्त पौडेलले नेपाल आयल निगमका प्रबन्ध निर्देशक गोपल खड्काको व्यवहार गैरकानुनी भएको बताउनुभएको छ । मंगलबारको संसद बैठकमा बोल्दै पौडेलले सरकारको आदेश र निर्णय अस्वीकार गरेको तथा संसदीय समितिको निर्देशनलाई लत्याएर सेटिङका आधारमा इन्धन भण्डार गृह बनाउने निर्णय गरेको बताउनुभयो । उहाँले आरोप लगाउँदै त्यसबारे छानबिन गर्न संसदीय समिति गठनको माग गर्नुभयो । सांसद पौडेलले निगम सञ्चालक समितिले गरेको निगमका प्रमुखलाई नै इन्धन भण्डारणका लागि जग्गा खरिद गर्न दिने निर्णय गैरकानुनी भएको धारणा राख्नुभयो ।
प्रकाशित मिति: सोमबार, चैत ७, २०७३
