७ चैत, काठमाडौं । निर्वाचन आयोगले राप्रपाको विधानबाट हिन्दु राष्ट्र र राजतन्त्र हटाएकोमा पुनर्विचार गर्ने आश्वासन दिएको छ । राप्रपाको ज्ञापन पत्र बुझ्दै प्रमुख निर्वाचन आयुक्त आयोधिप्रसाद यादवले यसमा गम्भीरताका साथ विचार गर्ने बताउनुभयो । यादवले आइतबार हिन्दु राष्ट्र र राजतन्त्र हटाउने निर्णय पुनर्विचार हुनै नसक्ने बताउनुभएको थियो । राप्रपाले सोमबार जुलशसहित निर्वाचन आयोगको कार्यालयमा पुगेर ज्ञापन पत्र बुझाउनु भएको हो । जुलशमा सहभागी राप्रपाका कार्यकर्ताले प्रहरीको घेरा तोडेपछि केहीबेर दुई पक्षबिच झडप पनि भएको थियो । ज्ञापनपत्र बुझाएपछि पत्रकारसित कुरा गर्दै राणाले आयोगले निर्णय सच्याउनु पर्ने माग गर्नुभयो । उहाँले कुनै दिन राप्रपाले दुई तिहाई बहुमत पुर्याएर संविधान संशोधन गरेर हिन्दु राष्ट्र कायम गर्ने दावी पनि गर्नुभयो ।
राप्रपाले बुझाएको ज्ञापन पत्र ।
प्रकाशित मिति: आइतबार, चैत ६, २०७३
