२ असोज, काठमाडौँ । आयल निगमका कार्यकारी निर्देशक गोपालबहादुर खड्कालाई भ्रष्टाचारको अभियोगमा सरकारले बर्खास्त गरेको छ । करिब डेढ अर्ब रुपैयाँ अनियमितताको आरोप लागेका निगमका कार्यकारी निर्देशक गोपाल खड्कालाई बर्खास्त गर्ने प्रस्ताव आजको मन्त्रिपरिषद् बैठकमा आपूर्तिमन्त्री शिवकुमार मण्डलले लगेका थिए ।भर्खरै सम्पन्न बैठकले उनलाइ बर्खास्त गर्ने निर्णय गरेको सरकारका प्रवक्ता मोहनबहादुर बस्नेतले जानकारी दिए । संसदीय समिति र मन्त्रालयको अध्ययनबाट इन्धन भण्डारणका लागि भैरहवा, चितवन, झापा र सर्लाहीमा करिब चार गुणा बढी मूल्य तिरेर जग्गा खरिद गरेर अनियमितता गरेको विभिन्न अनुसन्धान प्रतिवेदनले पुष्टि गरेपछि सरकारले खड्कालाई बर्खास्त गरेको हो ।
प्रकाशित मिति: आइतबार, असोज १, २०७४
-1732776560.jpg)
