२ असोज, काठमाडौँ । भ्रष्टाचारको मुद्दा खेपिरहेका आन्तरिक राजस्व विभागका निलम्बित महानिर्देशक तथा कर फछ्र्यौट आयोगका सदस्यसचिव चुडामणि शर्माको घरमा बम विस्फोट भएको छ । बूढानिलकण्ठमा रहेको घरमा गएराति परिचय नखुलेको समूहले बम विस्फोटक गराएको हो । प्रहरीका अनुसार विस्फोटबाट शर्मा घरको गेटमा क्षति पुगेको छ । घटनास्थलमा विजुलीको तारलगायत र अन्य केही वस्तु फेला परेको प्रहरीले जनाएको छ । राज्यको संवैधानिक निकायले अदालतमा मुद्दा चलाइरहेको अभियुक्तको घरमा बम बिस्फोट हुनु समान्य कुरा होइन । यसमा राज्यको कमजोरी प्रष्ट देखिन्छ । यस्ता व्यक्तिको सुरक्षा गर्नुपनि राज्यको दायित्व हो त्यसकारण यसमा राज्य चुक्नु हुँदैन । शर्माले कर फछ्र्यौट आयोगमा रहँदा ११ अर्ब रुपैयाँ कर छुट दिएको भन्दै अख्तियार दुरुपयोग अनुसन्धान आयोगले विशेष अदालतमा मुद्दा दायर गरेको छ ।
प्रकाशित मिति: आइतबार, असोज १, २०७४
-1732776560.jpg)
