२७ भदौ, काठमाडौँ । सर्वोच्च अदालतले डिआइजी नवराज सिलवालले दायर गरेको रिट निवेदन खारेज गरिदिएको छ । प्रधान न्यायाधीश गोपाल प्रसाद पराजुलीको नेतृत्वको वृहत पूर्ण इजलासले सिलवालको माग दावी पूरा नहुने भन्दै रिट खारेज गरेको हो । प्रधानन्यायाधीश गोपाल पराजुली तथा न्यायाधीश ओमप्रकाश मिश्र, केदारप्रसाद चालिसे, शारदाप्रसाद घिमिरे, मीरा खड्का, प्रकाशमानसिंह राउत र पुरुषोत्तम भण्डारीको पूर्ण इजलासले आज रिट खारेजीको निर्णय गरेको हो । इजलासले यही भदौ १५ गते रिट माथिको बहस सकेको थियो । तत्कालीन प्रहरी नायब महानिरीक्षक जयबहादुर चन्दलाई प्रहरी महानिरीक्षकमा बढुवा गर्ने सरकारको निर्णयविरुद्ध सिलवाल चैत ३० मा सर्वोच्च गाएका थिए । अदालतले निर्णय कार्यान्वयनमा रोक लगाएपछि सरकारले प्रकाश अर्याललाई प्रहरी महानिरीक्षकमा बढुवा गरेको थियो । अर्याल महानिरीक्षकमा नियुक्त भएपछि पनि सिलवालले रिट दायर गरेका थिए । अदालतले अाज दुबै रिट खारेज गरिदएको छ ।
याे पनि पढ्नुस् ।
प्रकाशित मिति: सोमबार, भदौ २६, २०७४
-1732776560.jpg)
