१९ भदौ, काठमाडौँ । प्रहरीले काठमाडौंको क्षेत्रपाटीबाट ८८ किलो सुनसहित एक जनालाई पक्राउ गरेको छ । सुन बरामद गरिएको गाडी बा १७ च ६४२७ नम्बरका चालक मकवानपुर घर भएका मनोज अधिकारीलाई प्रहरीले पक्राउ गरेको हो । गाडी पार्किङ गर्ने ठाउँमा सुन रहेको सूचना पाएपछि प्रहरीले गएराति नै निगरानी गरेको थियो । स्ट्रोेम जीपबाट ८८ किलो सुन बरामद भएको र गाडी चालक मनोज अधिकारीलाई नियन्त्रणमा लिएको महानगरीय प्रहरी कार्यालय प्रहरी प्रमुख जयबहादुर चन्दले जानकारी दिए । एकै पटक यतिधेरै सुन बरामद भएको नेपालको इतिहासमै यो पहिलोपटक हो । प्रहरीेले उक्त सुन केरुङ नाकाबाट रसुवा नुवाकोट हुँदौ काठमाडाँै भित्रिएको पुष्टि गरेको छ । प्रहरीका अनुसार तस्करीमा चिनियाँ नागरिकको पनि संलग्नता देखिएको छ ।
प्रकाशित मिति: आइतबार, भदौ १८, २०७४
-1732776560.jpg)
