१८ भदौ, काठमाडौँ । कालाकारिताबाट समाजसेवमा सक्रिय बनेका सिताराम कट्टेल धुर्मुस नेतृत्वको धुर्मुस सुन्तली फाउण्डेशनले बाढी पीडितका लागि एकीकृत नमुना बस्ती निर्माण गर्ने भएको छ । फाउण्डेशनका अध्यक्ष सीताराम कट्टेल ‘धुर्मुस’ ले पीडितहरुको अवस्थालाई देखेर एकीकृत बस्तीको योजना अघि सारेको बताएका छन् । एकीकृत नमुना बस्ती निर्माण गर्ने योजना बनाए पनि कहाँ र कति लागतमा बनाउने भन्ने अझै पनि टुङ्गो नलागेको र छलफलमै रहेको उनले बताएका छन । बाढी पीडितका लागि एकीकृत नमुना बस्ती निर्माणसँगै केही समयअघि मात्रै ५ अर्बको अनुमानित लागतमा निर्माण गरिने भनिएको नमुना नेपालको काम पनि निरन्तर अगाडि बढिरहने उनले बताएका छन । फाउण्डेशनले बाढी प्रभावित तराईका १२ जिल्लाका २३ स्थानमा झण्डै ६५ लाख बरावरको राहत सामग्री तथा बालबालिकाहरुका लागि शैक्षिक सामग्री वितरण गरिसकेको छ ।
प्रकाशित मिति: शनिबार, भदौ १७, २०७४
-1732776560.jpg)
