१८ भदौ, काठमाडौँ । काठमाडौं उपत्यकाको महत्वपूर्ण इन्द्रजात्रा सुरु भएको छ । आइतबार विहान ८ बजेर १५ मिनेटको शुभसाइतमा काठमाडौंको वसन्तपुरस्थित हनुमानढोकामा ३६ हात लामो लिंगो ठड्याइएपछि ईन्द्रजात्रा सुरु भएको हो । लिंगो गाड्ने चलन पृथ्वीनारायण शाहका जेठा छोरा प्रतापसिंह शाहको पालादेखि शुरु भएको थियो । केन्द्रीय मानन्धर संघको अगुवाइमा भक्तपुरको चित्तपोलबाट ल्याइएको लिंगो हनुमानढोकामा ठड्याउने चलन रहँदै आएको छ । आजैबाट ईन्द्रजात्राको विशेष आकर्षण मानिने पुलुकिसि र लाखेनाच पनि सुरु भएको छ । एक सातासम्म चल्ने ईन्द्रजात्राको मूख्य दिन आगामी मंगलबार कुमारी घरबाट काठमाडौंको तल्लो टोलमा कुमारी, गणेश र भैरवको रथ यात्रा गर्ने गरिन्छ । उक्त दिन राष्ट्रप्रमुखबाट पनि जात्रा अवलोकन गर्ने परम्परा रहेको छ ।
प्रकाशित मिति: शनिबार, भदौ १७, २०७४
-1732776560.jpg)
